Наурызбай ауданында шартты түрде сотталғандар қоғамдық жұмысқа тартылды

Бүгін Наурызбай ауданы әкімдігі мұндағы пробация қызметімен бірлесіп, шартты түрде сотталғандарды қоғамдық жұмысқа тартты, деп хабарлайды Almaty.tv тілшісі.

Көше тазалығына есепте тұрған 30 азамат жұмылдырылып, өздерінің тұрғылықты аумағы мен балалар алаңын қардан тазартты. Мамандар мұндай шараларды алдағы уақытта да өткізуді жоспарлап отыр.  

«Осы соңғы 3 күн ішінде Алматыда біраз қар жауды. Соған байланысты осындай шара ұйымдастырып отырмыз. Мына жақта қатысып жатқан азаматтардың көпшілігі сот үкімімен қамауға емес, жазасы тағайындалған азаматтар жүр бұл жерде», - деді Наурызбай аудандық прокуратурасының бөлім басшысы Әділ Қарымсақов.