2025 жылы Алматы - Орталық Азияның креативті экономика орталығына айналады

2025 жылға қарай Алматы Орталық Азияның креативті экономика орталығы және IT-хабы болуға ұмтылып отыр, деп хабарлайды Almaty.tv.

"Алматы қаласын 2025 жылға дейін және орта мерзімді перспективаларды 2030 жылға дейін дамыту бағдарламасы" Тұжырымдамасына сәйкес, 2025 жылға дейін Алматы қаласында  қызметтердің белгілі бір кешенімен - коворкинг және event-алаңдарымен, балаларға арналған тегін шығармашылық үйірмелермен, шеберлік-класстары мен тұсаукесерлерге арналған алаңдарымен, заманауи дәрісханасы бар медиатекасымен 3 креативті хаб құру жоспарланып отыр.

Креативті және IT индустрияның, эко және әлеуметтік бастамалардың, заманауи өнер мен инновациялық-технология бизнесінің синергетика орталығы бұрынғы трамвай депосының базасында «Depo Art and Science Center» болады. Тиісті шаралар енгізілді.

Сондай-ақ, алдағы үш жылда жалпы алаңы 15 мың шаршы метрге дейін болатын, әрі қарай 2030 жылға қарай 30 мың шаршы метрге дейін кеңейту мүмкіндігімен Almaty Digital City IT-хабын құру жоспарланып отыр. Оны құруға негізінен кемінде 10 млн. АҚШ доллары сомасында жеке инвестициялар тартылатын болады. IT-хаб қаланың жаңа тартымды орталығына, IT дамыту орталығына және экожүйелердің стартаптарына айналады, онда айналымды, сатылымды, инвестициялар тартуды және экспорт нарықтарына шығуды арттыру үшін, қолдау көрсету және инкубация мен акселерация бағдарламасы арқылы оқыту жүзеге асырылатын болады.

IT-хабта кемінде 100 қазақстандық және шетелдік компаниялар, оның ішінде, «AstanaHub» қызмет етудің халықаралық классификациясы әдістемесі бойынша жұмыс істейтін стартаптар орналастырылатын болады.

Креативті және IT-хабтар ашу инновацияларды дамыту үшін экожүйе құруға, барлық қатысушылардың бір жерде шоғырлануының есебінен синергетикалық әсерге қол жеткізуге мүмкіндік береді. Қосымша ретінде, креативті индустрияны дамыту үшін жеке инвестицияларды тарта отырып, халықаралық деңгейдегі бейне- және дыбыс жазудың екі студиясының құрылысы, 2030 жылға қарай шамамен 5 мың бағдарламашыларды дайындау бойынша TechOrda  бағдарламасын іске қосу, кино, сахналық өнер, музыка, цифрлық ойын-сауықтар, дизайн және сән салаларындағы жобаларды қолдауға 20 млрд теңге бастапқы капиталымен қалалық венчурлық қор құру секілді бастамаларды іске асыру жоспарланып отыр. Бұдан басқа, 2025 жылғы мерзімге дейін Алматыда "Креативті қала" жаңа краудфандингтік онлайн платформасын енгізу жоспарланып отыр, ол мегаполистің креативті қауымдастықтарының күштерін барынша біріктіруге мүмкіндік береді.

Қойылған міндеттерді іске асыру креативті және IT индустриясын жалпы өңірлік өнімдегі креативті индустрияның салымын 5%-ға дейін жеткізе отырып және көрсетілетін қызметтер экспортын 500 млн. АҚШ долларына дейін арттыра отырып, экономикалық маңызы бар индустрияға қайта құруға мүмкіндік береді.

Анықтама үшін:   2022 жылғы 1 шілдеге креативті индустрияның белсенді әрекет етіп жүрген субъектілері Алматы қаласының 20,4 мың компаниясы болып табылады. 2017 жылдан бері ең үлкен өсімді ақпараттық жүйелерді жобалау және бағдарламалық қамтамасыздықты әзірлеу, веб-порталдар, музыка, киноиндустрия, жарнама, маркетинг, білім беру және мәдениет бойынша қызметтері көрсетті.