Алматыда «Таза Қазақстан» республикалық акциясы аясында алғашқы экологиялық хаб ашылды, деп хабарлайды Аlmaty.tv.
Эко-хаб қалаған адам келе алатын креативті кеңістік базасында ашылды. Келушілер пластикалық ыдыстар, сусабындардың босаған құтыларын, шыны бөтелкелерді тапсыра алады. Осы қалдықтардан хош иісті шырақ, ыстық тағам астына қойылатын зат, Алматының символы алма түрінде жасалған қабырға сағаты сынды сувенирлер жасалады.
Креативті эко-хабты құрушылардың ойынша, мұндай ізгі шара қоқысты міндетті түрде бөлу және қоршаған ортаға ұқыпты қарау құндылықтары мәдениетін қалыптастыруға ықпал етеді.
- Эко-хабтың идеясы - Алматыда экологиялық жобалар үшін алаң беру. Біз экологияға ерекше мән беретіндердің бір жерде жиналуына мүмкіндік береміз. Басқа қабылдау орындарынан айырмашылығы, мұнда тек қоқыс қала әкелінбейді, сонымен қатар пластиктен немесе шыны бөтелкелер қалдықтарынан түрлі шырақтар, сағат жасауға болады. Ол үшін қоқысты өңдейтін құрылғыларды сатып алдық. Бұл жер - қоқысты қажет бұйымға айналдыратын, жасалған әдемі затты үйіңізге апарып қоюға болатын орын, - деп атап өтті Eco Network жобасының жетекшісі Евгений Мұхамеджанов.
Эко-хабта экологиялық өнім өндірумен айналысатын кәсіпкерлер мен стартаперлердің өнімдері ұсынылған. Мысалы, кейбіреулер үй өсімдіктеріне органикалық тыңайтқыштар шығарады, басқалары - елдегі алғашқы және жалғыз эко-химия, басқалары - жануарларға арналған биологиялық қоспалар.
Бұдан басқа, экологиялық орталықта тұрақты негізде қайта шикізаттан бұйымдар жасау бойынша оқыту дәрістері, эко-сағаттар, тимбилдингтер және мастер-кластар өткізілетін болады.
Оқи отырыңыз: Алматыда «Таза Қазақстан» акциясы жалғасуда