Алматылықтарға үйіне қайтуға болатыны айтылды

"Алматылықтар үйіне қайтса болады". Бұл ақпаратты ТЖД таратты, деп хабарлайды Almaty.tv.

Төтенше жағдайлар департаменті мәліметінше, Сейсмологиялық бақылаулар және зерттеулер ұлттық ғылыми орталығының сейсмикалық жағдайын бағалауға сәйкес, Төтенше жағдайлар комиссиясы жақын күндері Алматы аумағында жойқын жер сілкінісі күтілмейді деген қорытындыға келді.

"Жоғарыда аталған комиссия шешімі негізінде Төтенше жағдайлар департаменті тұрғындардың тұрғылықты жеріне оралуына болады деп санайды", - делінген хабарламада.

Оқи отырыңыз: Алматыдағы халықты қабылдау пункттеріне қанша адам жүгінді