Алматының Әуезов ауданында су басу мәселесі қалай шешіліп жатыр

Жаңа арық желілері мен өткелдер диаметрін кеңейту Алматының Әуезов ауданында су басу мәселесін шешуге көмектесті, деп хабарлайды Almaty.tv.

2023 жылдың наурыз айында Алматының Әуезов ауданында магистральдық көшелердегі тұрақты су басатын 6 проблемалық аумақ жойылды. Бұл туралы Әуезов ауданының әкімі Абзал

Егембердиев Алматының Өңірлік коммуникациялар қызметінің брифингінде айтты.

- Арық желілерін салу және өткелдердің диаметрін 300 мм-ден 1000 мм-ге дейін кеңейту арқылы Төле би көшесі-Яссауи , Райымбек-Момышұлы , Райымбек даңғылы-Яссауи көшесі, Абай-Алтынсарин даңғылы және Цветочная-Момышұлы көшелерінің қиылысында су басатын учаскелер жойылды, - деді ол.

Жаңа су басу орындарының пайда болуына жол бермеу үшін Экология және қоршаған орта басқармасы жоба әзірледі, оған сәйкес 43 км арық желісі салынады, оның ішінде бүгінде 5,9 км жаңа арық желісі салынады, жыл соңына дейін тағы 2,1 шақырым желі салынады. Желі құрылысын толық аяқтау 2024 жылдың соңына дейін жоспарланып отыр. 

Арық желілерінің тиісті жай-күйін сақтау үшін ауданда күн сайын ұзындығы 121 км санитарлық тазарту жұмыстары жүргізіліп отыр, оған 7 бірлік арнайы техника мен 20 жұмысшы жұмылдырылды.

Оқи отырыңыз: Әуезов ауданында 95 үйдің жеделсатысы ауыстырылды