10 ақпан сағат 11:00-де «Алматы» телеарнасында Түрксіб ауданының әкімі Бақытжан Ақжаровтың халыққа есеп беру кездесуі өтеді, деп хабарлайды Almaty.tv.
Елдегі эпидемиологиялық ахуалға байланысты іс-шара видеоконференция режимінде болады. Аудан тұрғындары өзінің сауалдары мен талап-тілегін алдын ала WhatsApp номеріне 8 747 875 37 66 жазып, 8 727 223 11 21 нөміріне хабарласа алады.
Сонымен қатар «Алматы» телеарнасының әлеуметтік желідегі парақшалары арқылы да сұрақ жолдай аласыздар.
Есеп беру кездесуін «Алматы» телеарнасының тікелей эфирінен, онлайн режимде Almaty.tv сайтынан және әлеуметтік желілердегі ресми парақшалары – YouTube, Facebook-тан көре аласыздар.