Қаңтар оқиғасында зардап шеккен кәсіпкерлердің шығыны өтелді

Қаңтар оқиғасы кезінде зардап шеккен шағын және орта бизнес субъектілеріне өтемақы төлеу аяқталды, деп хабарлайды Almaty.tv.

Алматы әкімі Ерболат Досаевтың айтуынша, барлығы 14,5 млрд теңгеге 1 594 өтінім мақұлданды. 

«Шағын және орта бизнес – қала экономикасының негізі. Онда еңбекке қабілетті халықтың 64%-ті жұмыс істейді. Сондықтан, бизнесті қолдауға ерекше көңіл бөлінеді. 2022 жылы бюджеттен қосымша 5 млрд теңге бөлініп, 46,9 млрд теңгеге дейін ұлғайтылды. Бүгінде 16,5 млрд теңгеге шағын және орта бизнестің 219 жобасы қаржыландырылды», – деді Ерболат Досаев. 

Нәтижесінде, 1 маусымда жұмыс істейтін кәсіпорындар саны 19,5%-ке өсті.