Алматыда жұмыс берушілер жоғары білікті мамандарды даярлауға көмектеседі

Алматыда жұмыс берушілер жоғары білікті мамандарды даярлауға көмектеседі. Бұл туралы Өңірлік коммуникациялар қызметінің брифингінде Алматы қаласы Білім басқармасы басшысының орынбасары Қайрат Жұманов мәлімдеді, деп хабарлайды Almaty.tv.

Спикер мегаполистің практикалары мен кәсіпорындары колледж студенттерін даярлауға қатысуға   дайындығының қандай екенін, АОО мен еңбек нарығы өкілдерінің ынтымақтастығы қалай құрылғанын, осы салада қандай нәтижелерге қолжеткізілгенін және не істеу керек екенін айтты.

Осылайша, Мемлекет басшысының формализмді азайту және нарықта сұранысқа ие кадрларды даярлау мақсатында білім беру бағдарламаларын өзектендіру мәселелері бойынша кәсіпкерлік қоғамдастықпен ынтымақтастық форматын қайта қарау жөніндегі тапсырмасы іске асырылуда.

"Бүгінде Алматының барлық мемлекеттік колледждерінде Индустриялды кеңестер құрылып, білім беру бағдарламаларын әзірлеуге қатысатын жұмыс берушілердің пулы ұлғаюда", - деді Қайрат Жұманов.

Мысалы, ағымдағы жылдың ақпан айында Алматы қаласының ірі кәсіпорындары оқу орындары, кәсіпорындар және Білім басқармасы арасында жасалған үш жақты меморандумдар негізінде 22 мемлекеттік колледжді қамқорлыққа алды.

Колледждерге қамқорлық көрсету туралы меморандумдарға қол қойған әлеуметтік серіктестердің тізіміне мыналар кірді: "Абай атындағы Қазақ ұлттық педагогикалық университеті" КЕАҚ, "Қазақ ұлттық қыздар педагогикалық университеті" КЕАҚ, «С. Асфендияров атындағы ҚазҰМУ" КЕАҚ, "КазСПО-N" ЖШС, "ҮЕҰ "DOSTI" компаниялар тобы ЖШС, "Crown" ЖШС, "Қазақстан" қонақ үйі, "Казлегпром-Алматы" ЖШС, "АлматыЭнергоСервис" ЖШС, "MEGA Моторс" ЖШС, "Алматы электромеханикалық зауыты" ЖШС, "Мехэлектромонтаж" ЖШС, "ҚТЖ – Жүк тасымалы" ЖШС.

Кәсіпорындар өндірістік практикадан өтуге мүмкіндік береді, білім беру бағдарламаларын, оқу жоспарларын әзірлеуге және өзектендіруге қатысады.

Сонымен қатар, дуальді оқытуды енгізу жалғасуда.  Қазіргі уақытта дуальді оқытуды 48 колледжде 7100 студентті қамтитын 41 мамандық бойынша 361 кәсіпорынмен бірлесіп пайдаланады. Дуальді оқыту кезінде практикадан өту мерзімі студенттің еңбек өтіліне есептеледі (6 айдан 1,5 жылға дейін).

Сондай-ақ, Қайрат Жұманов "Жас маман" жобасы аясында 2020-2021 жылдары 18 колледж республикалық және жергілікті бюджет қаражаты есебінен заманауи құрылғылармен  жабдықталғанын хабарлады.

Ал, 2015 жылдан бастап Алматы колледждері WorldSkills халықаралық коммерциялық емес қозғалысының тұрақты қатысушылары болып табылады, оның мақсаты жұмысшы мамандықтарының беделін арттыру және әлемде кәсіби білім беруді дамыту болып табылады. WorldSkills чемпионаттары – бұл бүкіл әлемде өткізілетін беделді іс-шара және онда жарыстар құзыреттіліктер, яғни жұмыс әрекеттерін орындау бойынша дағдылар бойынша өтеді.

2022 жылдың 10 мамырында WorldSkills Almaty өңірлік чемпионатын өткізу жоспарлануда. Биылғы жылы 49 құзырет бойынша өтінім берілді, олардың аясында 406 сарапшы жұмыс істейді және 314 конкурсант қатысатын болады.