Отбасы күні: Алматыда аналар форумы өтті

Алматыда «Ұрпақ тәрбиесі-ұлт болашағы» атты аналар форумы өтті, деп хабарлайды Almaty.tv.

Басқосу Алатау ауданы әкімдігінің мұрындық болуымен жүзеге асты. Іс-шараға «Алтын алқа», «Күміс алқа» иегерлері, қоғам қайраткерлері қатысты. Жиынға келгендер отбасы институтын дамыту мен жанұядағы ананың орны мен рөлі туралы ой бөлісті.  

– Мамырдың алғашқы жексенбісі 12 мамыр Аналар күні деп жарияланған. Ал 15 мамыр – Отбасы күні. Отбасындағы ананың балаға берер тәрбиесі үлкен зор, – деді оқушылар шығармашылық инновациялық орталығының директоры Манас Тайкенов.

– Болашағымыз жарқын болсын десек, ұрпағымызға әлемдік деңгейді білім беруіміз керек. Бірақ ұлттық тәрбиемен өсуі тиіс.  Сол тұрғыдан келгенде форумның мәні де, маңызы да өзекті,  – деді  Қазақстанның еңбек сіңірген қайраткері  Асылы Осман.

Оқи отырыңыз: Отбасы күні: Кішкенебаевтар әулетіі ережеге сай қандай есеп береді