"Мерейлі отбасы" ұлттық конкурсына қатысу үшін өтінім қабылдау басталды

Алматыда «Мерейлі отбасы» ұлттық конкурсының 1-ші кезеңіне (аудандық) құжаттар қабылдау басталды, деп хабарлайды Аlmaty.tv.

«Мерейлі отбасы» ұлттық конкурсы адамгершілік құндылықтарын жаңғыртуға және отбасы мен некенің (ерлі-зайыптылықтың) жағымды үлгісін дәріптеуге, отбасы мәртебесін арттыруға бағытталған.

Конкурсты өткізудің мақсаты:

1. отбасы институтын, адамгершілікті, руханиятты нығайту, жауапты ерлі-зайыптылықтың маңызын тану;
2. ата-аналардың бала тәрбиелеудегі жауапкершілігін арттыру;
3. отбасылық құндылықтарды, кәмелетке толған балалардың еңбекке қабілетсіз және егде жастағы ата-аналарына қамқорлығын дәріптеп, кеңінен насихаттау;
4. қазақстандық отбасының жағымды имиджін насихаттау.

«Мерейлі отбасы» ұлттық конкурсына қатысу үшін 2025 жылғы 15 мамырдан бастап 15 маусымға дейін өтінімдер қағаз немесе электрондық нұсқада қабылданады.

Толық ақпарат алу үшін тұрғылықты мекенжай бойынша аудан әкімдіктеріне жүгінуге болады.

Құжаттарды қабылдаудың соңғы күні – 2025 жылғы 14 маусым. 

Оқи отырыңыз: Елімізде емханаға тіркелу қағидалары жаңартылды