Алматыдағы №174 гимназиясының қосымша ғимарат құрылысы қашан аяқталады

Алматы мектептерінде орын тапшылығы мәселесі шешілуде. Мәселен №174 гимназияда қосымша ғимарат құрылысы аяқталуға жақын, деп хабарлайды Almaty.tv.

Жоба AMANAT партиясы Алматы қалалық филиалының қолдауымен жүзеге асырылып отыр. Филиал төрағасы құрылыс алаңына арнайы барып, жұмыстың сапасын тексерді. Оқу ордасы директорының сөзінше, қазір 1200 орынға шақталған білім ошағында 4 мыңнан астам шәкірт білім алады. Жаңа ғимарат заманауи талаптарға сай жабдықталып, мектептегі орын тапшылығын айтарлықтай азайтуға септігін тигізбек.

"Жоспар бойынша ақпанда біту керек. Қазір қарқынды жұмыс жүріп жатыр. Бұл қосымша құрылыс 375 орынға арналған. Яғни екі ауысымды есептесек, 700 баланың орнын жабады. 2025 жылдың 13 ақпанында тапсыруы керек. Қазір жұмыстары жүріп жатыр. Оған дейін аяқталады деп күтіп отырмыз", – деді №174 мектеп-гимназиясының директоры Арнагүл Мәлікова.

Оқи отырыңыз: Мектептегі ас мәзірі: оқушылар жаңа стандарт бойынша тамақтанады