Алматыдағы Баум тоғайы келесі жылы абаттандырылады

18.10.2024 10:58

Онда жарықтандыру, бейнекамералар және ыңғайлы жолдар пайда болады, яғни тоғайда жүру қауіпсіз әрі жайлы болады

Қала әкімдігінің баспасөз қызметі

Алматы әкімі Ерболат Досаев Түрксіб ауданының тұрғындарымен кездесу барысында Баум тоғайын абаттандыру жұмыстарының қашан басталатынын айтты, деп хабарлайды Almaty.tv.

Оның айтуынша, жаңарту жобасы әзірленген, желтоқсанда сараптама қорытындысы шығады. 

«Келесі жылы тоғайды ретке келтіре бастаймыз. Онда жарықтандыру, бейнекамералар және ыңғайлы жолдар пайда болады, яғни тоғайда жүру қауіпсіз әрі жайлы болады. Жұмысты келесі жылдың күзінде аяқтауға тырысамыз», – деді қала басшысы. 

Айта кетейік, жоба аясында тоғайдың жасыл қорын қалпына келтіру және оның өсімдік түрлерінің санын көбейту де көзделген.

Оқи отырыңыз: Түрксіб ауданында «Халық қатысатын бюджет» бағдарламасының 50 жобасы іске асырылуда

Теги: Алматы қаласы абаттандыру Баум тоғайы Алматы город Алматы мегаполис аким акимат Ерболат Досаев роща Баума роща обновление реновация
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Ерболат Досаев «Алматы - біздің ортақ үйіміз» науқанының «Жарқын күз күзгі» циклін жариялады