Алматының Райымбек даңғылында ауқымды реконструкция жүріп жатыр

Райымбек батыр даңғылы бойында көріктендіру жұмыстары жалғасуда, деп хабарлайды Almaty.tv.

 Жұмыстар мына учаскелерді қамтиды:

• Райымбек даңғылы, 348/1-ден 451А-ға дейін (Әуезов ауданы)
• Розыбакиев көшесінің көпірінен Брюсов көшесіне дейін (аллея мен солтүстік жағы)
• Розыбакиев көпірінен Тұрғыт Озал көшесіне дейін, Брусиловскийден Тілендиевке дейін
• Байзақов көшесінен Галилейге дейін
• Райымбек даңғылы, 193-тен Төретай көшесіне дейін (солтүстік жағы)
• Райымбек даңғылы, 172-ден 174/2-ге дейін (оңтүстік жағы)
• Панфилов көшесінен Абылай ханға және Чайковскийден Желтоқсан көшесіне дейін

Не істеледі?

• Ескі асфальт жабындысын алу
• Тротуар плиткалары мен жиектастарды орнату
• Демалыс аймақтары, жаяу жүргіншілер мен веложолақтар салу
• Аумақтарды көгалдандыру

"Жұмыстың мақсаты – балалар мен мүмкіндігі шектеулі жандарды қосқанда, барлық тұрғынға қолжетімді, заманауи және жайлы қоғамдық кеңістіктер жасау, жаяу жүргіншілерге басымдық беру. Уақытша шектеулер болуы мүмкін, сондықтан бағытыңызды алдын ала жоспарлауыңызды сұраймыз", - делінген хабарламада.

Жұмыс барысы туралы толық ақпаратты қосымша тіркелген құжаттан оқи аласыз.