«Халық қатысатын бюджет»: абаттандырылған алаңдар мен аулалар мегаполис тұрғындарын қуантты

Алматыда «Халық қатысатын бюджет» жобасы аясында қалалық инфрақұрылымды жаңарту жұмыстары жалғасуда. Қала тұрғындары осы өзгерістердің арқасында аулалар мен алаңдар заманауи және жайлы бола түсетінін атап өтті, деп хабарлайды Almaty.tv.

Әуезов ауданында «Халық қатысатын бюджет» жобасы бойынша биыл 57 жоба іске асырылатын болады, оның ішінде 41 аула абаттандырылады. Абаттандыру жұмыстарына жолдарды жөндеу, көгалдандыру және жаңа демалыс аймақтарын құру кіреді. Жобалар Алматыда өмір сүру сапасын арттыруға бағытталған.

«Мен көпбалалы анамын. Демалыс күндері аудан бойынша балалармен серуендеуге шықтық. Біздің үйдің жанындағы саябақ абаттандырылды, онда қазір отбасымен уақыт өткізу жақсы. Ойын және спорт алаңдары пайда болды, барлығы тұрғындарға жайлы. Балалармен серуендеу өте жақсы», - деп бөлісті Ақсай шағын ауданының тұрғыны Әлия Есболғанова.

Жетісу ауданында «Халық қатысатын бюджет» жобасы бойынша биыл 34 жоба іске асырылуда, оның ішінде 24 аула, 2 жаяу жүргіншілер аймақтарын, саябақты, 3 скверді ағымдағы жөндеу және 3 автожол жүйелерін орнату іске асуда. Оларды орындау үшін Алматы әкімі Ерболат Досаевтың тапсырмасы бойынша биыл қаржыландыру 2 млрд теңгеге дейін ұлғайтылды.

Тұрғындар өзгерістерге оң баға беріп, қала басшылығына алғыстарын білдіруге асығуда. 

«Біздің аула өзгерді, қазір таза және жайлы,  гүлдер отырғызылды. Біздің өтініштерімізге назар аударғаныңыз үшін рахмет. Көшелер әлдеқайда ұқыпты көріне бастады. Керемет жұмыс!», - дейді Жетісу ауданының тұрғыны Виктория Туғанбаева.

Аудан әкімдіктері тұрғындардың тілегін тыңдайды. Мәселен бұған дейін Жетісу ауданындағы Кемел шағынауданының тұрғындары қоқыстың уақтылы шығарылмағанына шағымданған. Қазір тазалық жағдайы айтарлықтай жақсарды, бұл туралы тұрғындардың өзі де айтады.

«Көшелер әлдеқайда таза. Жаңа қоқыс жәшіктері орнатылып, қоқыс шығару үнемі жүргізіліп тұрады. Бүкіл қаланың тазалығын сақтайық!», - Кемел шағынауданының тұрғыны Әділ Тұрсын азаматтарды тазалықты сақтауға шақырды.

Жалпы, «Халық қатысатын бюджет» жобасы бойынша өткен жылы Алматыда 236 жоба іске асырылды. Биылғы жылдың соңына аяқтау жоспарлануда. Бастамалар көбінесе Алмалы, Әуезов және Алатау  аудандарында іске асырылуда, онда мақұлданған жобалар саны тиісінше 50, 45 және 42 құрайды. 2025 жылы іске асыруға 308 жоба жіберілді.

Алматы әкімі Ерболат Досаевтың тапсырмасы бойынша «Халық қатысатын бюджет» бағдарламасын қаржыландыру 2024 жылы 18,8 млрд теңгеге (2023 жылы 12,9 млрд теңге) дейін ұлғайтылғанын атап өту қажет.