Екі мыңнан астам оқушы Қазақстан ұстаздарына арнап ән шырқады

Видеодан кадр

Ерекше іс-шараның өтуіне Ораз Жандосов атындағы №105 гимназия мұрындық болды

Алматыда Ұстаздар күні қарсаңында екі мыңнан астам оқушы қатысқан ауқымды флешмоб өтті, деп хабарлайды Аlmaty.tv.

«Ұстаздарға тағзым!» атты әннің әуенімен балалар ел ұстаздарына алғыс пен ризашылық білдірді.

Бұл жүрекжарды орындау ұстаз еңбегіне деген құрметтің нышанына айналып, педагогтердің жас ұрпақты тәрбиелеу мен білім берудегі өлшеусіз үлесін айқындады.

Ауқымды флешмоб әр жастағы мектеп оқушыларын біріктіріп, өмірін білім беру ісіне арнаған жандарға арналған нағыз мерекелік қойылымға айналды.

Ерекше іс-шараның өтуіне Ораз Жандосов атындағы №105 гимназия мұрындық болды.

Оқи отырыңыз: Оқу-ағарту министрі мұғалімдерді Ұстаздар күнімен құттықтады