Алматыда тарихи матч: әуесқойлар мен алып клубтың кездесуі

Бүгін, 8 сәуір күні, Алматыда Қазақстан Кубогының 1/16 финалы аясындағы ең тартысты матчтардың бірі басталады, деп хабарлайды Almaty.tv.

«Хан-Тәңірі» стадионында турнир тарихында алғаш рет алаңға БКС ФК әуесқой командасы шығады. Оларға қарсы еліміздің ең қуатты кәсіби клубтарының бірі «Астана» ФК ойнайды.

Алматы қаласының Спорт басқармасы өкілдерінің мәліметінше, бұл матч Қазақстан Кубогының ашық форматтағы басты қағидаттарын айқын көрсетеді. Аталған формат әртүрлі деңгейдегі командалардың бір алаңда бақ сынауына мүмкіндік береді. Дәл осындай ойындар футболдың шынайы рухын айшықтап, оның тосынсыйға толы екенін дәлелдейді.

Алматы футболы үшін бұл күннің мәні ерекше. Әуесқой команданың осындай биік деңгейге көтерілуі бұқаралық спорттың дамып келе жатқанының жарқын көрінісі. Сонымен қатар, бұл әрбір ойыншы үшін үлкен аренада өзін танытуға мүмкіндік бар екенін аңғартады.

Оқи отырыңыз: Туризм Алматыға 110 млрд теңгеден астам табыс пен 200 млрд теңгеге жуық инвестиция әкелді