Алматыда Энрике Иглесиастың концерті басталды

Кадр из видео

Алматыда Энрике Иглесиастың концерті басталды. Әнші сахнаға жанкүйерлерінің зор қошеметі мен көтеріңкі дауыстарының сүйемелдеуімен шықты, - деп хабарлайды Almaty.tv.

Шоу аясында ауқымды жарық безендіру мен түрлі визуалды эффектілер қолданылуда. Сахнадағы прожекторлар мен экрандар концерт бойы ерекше әрі динамикалық атмосфера қалыптастырып отыр.

Жанкүйерлер әншімен бірге ән айтып, би билеп, концерт барысын ұялы телефондарына түсіруде. Көптеген көрермен концертке алдын ала дайындалып, Энрике Иглесиастың танымал хиттерінің сөздерін жатқа біледі.

Концерт жалғасып жатыр. Сахнадан жанкүйерлерге жақсы таныс әндер шырқалып, көрермендер өнерпазды зор қошеметпен қолдауда.

Оқи отырыңыз: Алматылық жанкүйер Энрике Иглесиастың концертін асыға күтті