Су басудың алдын алу: Алматыда Ақсай және Қарғалы өзендерінің арналары тазартылды

Алматыда республикалық «Таза Қазақстан» бағдарламасы мен «Алматы – біздің ортақ үйіміз» күзгі кампаниясы аясында Ақсай және Қарғалы өзендерінің арналарын тазалау жұмыстары жүргізілді, деп хабарлайды Almaty.tv.

Қабылданған шаралар су тасқыны мен арналардың бітелуінің алдын алуда маңызды рөл атқарады, әсіресе климаттың өзгеруіне және жауын-шашынның қарқындылығының артуына байланысты жағдайларда.

Күзгі-қысқы кезеңге дайындық өзен арналарының жағдайын талдаудан және проблемалы учаскелерді анықтаудан басталды. Нәтижесінде тазалау жұмыстары 6000 м² аумақты қамтыды. Тапсырмаларды орындау үшін, экскаваторлар мен жүк көліктерін қоса алғанда, 6 бірлік арнайы техника мен 15 білікті жол жұмысшысы жұмылдырылды.

Өзендерді тазалау барысында 150 м³ қоқыс, соның ішінде пластикалық қалдықтар, құрылыс материалдары және өсімдіктер жиналып, шығарылды, бұл су өткізгіштікті едәуір жақсартып, алдағы күзгі-қысқы айларда су тасқыны қаупін азайтады. Сонымен қатар, өзен арналарының тазалануы су қоймаларының экологиялық жағдайын жақсартуға және олардың биологиялық белсенділігін арттыруға ықпал етеді.

Өзен арналарының күтіміне қатысты жұмыстар қаланың тұрғындары үшін қауіпсіз және қолайлы өмір сүру жағдайларын қамтамасыз ету мақсатында кешенді түрде жалғасады.

Еске сала кетейік, Алматыда «Жарқын күз» акциясы – «Алматы – наш общий дом» күзгі кампаниясы аясында күзгі-қысқы кезеңге белсенді дайындық жұмыстары жүргізілуде. Акция экологиялық жауапкершілікті арттыруға және қаланы таза ұстау мәселелеріне жұртшылықтың назарын аударуға бағытталған.

Оқи отырыңыз: Алматыда автокөліктердің шығарындыларының улы заттарын өлшеуге арналған «Таза ауа» акциясы өтуде