Алматылықтар Наурыз мейрамын қалай атап өтті

Алматыда Наурыз мейрамына арналған мерекелік іс-шаралар жалғасуда, концерттер, жәрмеңкелер мен мәдени бағдарламалар ұйымдастырылуда, деп хабарлайды Almaty.tv.

Қаланың негізгі алаңдары күн сайын ән мен мәдени бағдарламаларды ұнататындар үшін басты тарту нүктелеріне айналуда. Мұнда концерттік қойылым, театрландырылған көріністер өтіп, қолөнер жәрмеңкесі мен интерактивті аймақ жұмыс істейді.

24 наурыз Абай алаңында шамамен 7 сағатқа созылған концерттік бағдарлама өтті. Оның аясында «Nauryz Open Air» ұйымдастырылып, «Steppe Sons» тобы мен IGIGAI орындаушысы өнер көрсетті. Сондай-ақ дәстүрлі және заманауи жанрларды тоғыстырған «Төрлет, Наурыз!» бағдарламасы ұсынылды. Кешкі уақытта сахнаға «Aldaspan» ұжымы шығып, бағдарламаны «Qazaqsha терапия» атты театрландырылған рухани-музыкалық кеш қорытындылады.

Қала тұрғындары мен қонақтары мерекелік іс-шараларға белсенді қатысып, отбасыларымен және достарымен бірге уақыт өткізіп, өз әсерімен бөлісуде.

«Әртүрлі алаңдарға барып көруге тырысамыз — мұнда ерекше атмосфера бар. Барлығы өте ұнайды, баршаңызды Наурыз мерекесімен құттықтаймыз», — деді қала тұрғындары Лев Юрковский мен Ксения Васильева.

«Наурыздың бұр өң өнын соңды мұндай ауқымда атап өтілгенін есіме түсіре алмаймын. Барлығы жан-жақты ойластырылып, шынайы көңілмен ұйымдастырылған», — деп қосты алматылық Сәуле Ищанова.

Мерекелік іс-шараларға шетелдік қонақтар да ерекше қызығушылық танытуда.

«Біз де өз елімізде Наурызды атап өтеміз, бірақ мұндай ауқымды күтпедік. Бірнеше күннен бері түрлі алаңдарға барып жүрміз — бәрі өте әдемі әрі ерекше», — деп бөлісті Түркиядан келген студенттер Зехра, Туйче және Азра.

Қалада Наурыз мерекесіне арналған іс-шаралар ертең де жалғасады. Келесі концерт Абай алаңында 25 наурыз сағат 15:00-ден 20:00-ге дейін өтеді.