Ұлттық спорт күні: Алматыда қандай мерекелік іс-шаралар өтеді

Бүгін – Наурызнаманың жетінші күні – Ұлттық спорт күні. Осы айтулы күнге орай Алматы қаласында бірқатар мазмұнды да мерекелік іс-шаралар ұйымдастырылмақ, деп хабарлайды Almaty.tv.

20 наурыз – Ұлттық спорт күнінде мегаполисте өтетін іс-шаралар:

10:00 – «Спорт – достық алаңы» спорттық іс-шарасы (Тұңғыш Президент саябағы).

10:00 – мектеп оқушылары мен ардагерлер кеңесінің қатысуымен ұлттық спорт түрлерінен жарыстар (Гүлдер саябағы).

10:00 – Наурыз мерекесіне арналған тоғызқұмалақтан ашық қалалық турнир (Ұлттық және ат спорты түрлері бойынша спорт клубы).

10:00 – Наурыз мерекесіне арналған қазақ күресінен қалалық турнир («Астана» алаңы).

10:00 – «Спорт – достық алаңы» жобасы аясындағы бұқаралық спорттық іс-шара (Айнабұлақ дене шынықтыру-сауықтыру кешені).

10:00 – «Наурыз – спорт мерекесі» спорттық іс-шарасы (Кемел дене шынықтыру-сауықтыру кешені).

11:00 – Алматы қаласындағы мүмкіндігі шектеулі азаматтар арасында Наурыз мерекесіне арналған «Асық ату», «Тымақ ұру», «Ләңгі», «Гір тасын көтеру» жарыстары (Орталық мәдениет және демалыс саябағы).

11:00 – «Спорт – достық алаңы» спорт ойындары (Атлеттер ауылы).

Айта кетейік, Алматы қаласында 14 наурыздан бері Наурыз мейрамына арналған ауқымды мәдени-көпшілік іс-шаралар өткізіліп келеді. Мерекелік бағдарламалар 23 наурызға дейін өтеді. Биыл мерекелік бағдарлама «Наурызнама» тұжырымдамасы аясында ұйымдастырылып, қала бойынша 200-ден астам іс-шараны қамтиды.

Негізгі мерекелік алаңдар Астана алаңында, Абай алаңында, Жібек жолы даңғылының жүргіншілер бөлігінде және Панфилов көшесінде орналасады.

Аудандағы мерекелік алаңдар:

• Алатау ауданы – ALMATY ARENA мұз сарайының аумағында;
• Алмалы ауданы – М. Ганди атындағы саябақта;
• Әуезов ауданы – Сайран көлінің батыс жағалауында;
• Бостандық ауданы – Тұңғыш Президент саябағында;
• Жетісу ауданы – Алматы ипподромында;
• Медеу ауданы – Пушкин көшесіндегі жүргіншілер аллеясында;
• Түрксіб ауданы – С. Сейфуллин атындағы саябақта;
• Наурызбай ауданы – аудан әкімдігі алдындағы алаңда.

Мерекелік бағдарламаның негізгі күндері 21-23 наурыз аралығында өтеді. Он күн бойы қала тұрғындары мен қонақтары үшін концерттер, театрландырылған қойылымдар, көрмелер, мәдениет қайраткерлерімен кездесулер, сондай-ақ қазақ халқының салт-дәстүрлері көрсетіледі.

Айта кету керек, қаланың басты алаңдары мен барлық сегіз ауданның мерекелік орындары Наурыз мерекесіне арнайы безендіріледі: киіз үйлер тігіліп, тақырыптық шағын сәулеттік нысандар орнатылады.

Оқи отырыңыз: Наурызнама: бүгін – Ұлттық спорт күні