Меншікті өндіріс
Біз әлеуметтік желілердеміз
Алматыдағы сенбілікте 900 текше метрден астам қоқыс шығарылды
Тазалық жұмыстары барысында қоғамдық кеңістіктер, көшелер, скверлер, магистраль жолдардың бойы және су айдындарының маңындағы аумақтар тазартылды
Алматыда 4 шілде күні «Таза Қазақстан» республикалық бағдарламасы аясында қаланың 8 ауданында кезекті апталық сенбілік өтті, - деп хабарлайды Аlmaty.tv.
Сенбілікке 2,4 мың адам қатысып, тазалық жұмыстарына 94 арнайы техника жұмылдырылды. 905 текше метр қоқыс пен тұрмыстық қалдық жиналып, шығарылды.
Тазалық жұмыстары барысында қоғамдық кеңістіктер, көшелер, скверлер, магистраль жолдардың бойы және су айдындарының маңындағы аумақтар тазартылды.
Мұндай экологиялық іс-шараларды апта сайын өткізу қаланың санитарлық жағдайын жақсартуға, қоғамдық кеңістіктердің тазалығын сақтауға және тұрғындар үшін жайлы қалалық орта құруға мүмкіндік береді.
Оқи отырыңыз: Алматыда ауа райы күрт нашарлайды: ТЖД маңызды ескерту жасады