Алматыда 2024 жылғы әлеуметтік қолдау көрсетудің қорытындысы шығарылды

Алматының Өңірлік коммуникациялар қызметінің брифингінде Жұмыспен қамту және әлеуметтік бағдарламалар басқармасының басшысы Б.Жаубасов 2024 жылғы жұмыс нәтижелерімен таныстырып, биылға арналған жоспарларымен бөлісті, деп хабарлайды Almaty.tv.

Өткен жылы 286 мыңнан астам мемлекеттік қызмет көрсетілді, оның 54%-ы «E-gov» порталы арқылы ұсынылды. Әлеуметтік міндеттемелерді орындауға 5 млрд теңге бөлінді, 2025 жылы қаржыландыру 30% - ға, 7,1 млрд теңгеге дейін ұлғайтылды.

Халықты жұмыспен қамтуға келетін болсақ, 2024 жылы 84,7 мың жұмыс орны құрылды.

«2024 жылы Еңбек ұтқырлығы орталығына жұмыс іздеп жүрген 69 мың тұрғын жүгінді, оның 50 мыңы жұмыссыз мәртебесін алды. Жұмыспен қамтудың белсенді шаралары аясында жыл ішінде 56 мың адам қатысты, бұл ретте 25,6 мыңнан астам адам тұрақты немесе субсидияланатын жұмыс орындарына орналастырылды», — деді Б.Жаубасов.

Халықты жұмыспен қамтудың белсенді шараларының арқасында Алматыда жұмыссыздық деңгейі 4,8% - дан 4,6% - ға дейін төмендеді. 2025 жылы кемінде 76 мың жұмыс орнын, оның ішінде 67,5 мың тұрақты жұмыс орнын құру жоспарлануда.

2024 жылы Алматыда зейнеткерлердің жалақысын жергілікті бюджеттен ең төменгі жалақы мөлшерінде субсидиялай отырып, оларды жұмысқа орналастыру үшін «Алтын жас» бағдарламасы іске қосылды. Бағдарлама 700-ден астам адамды қамтыды, 2025 жылы 1000 зейнеткерді қолдау жоспарлануда.

Сонымен қатар, 2025 жылдан 2030 жылға дейін іске асырылатын және бірінші жылы 300 адамды қамтитын жұмыс орнында мүгедектігі бар адамдарды алып жүру және бейімдеу үшін «JOBCOACH» жобасы басталды.

Атаулы әлеуметтік көмек бағдарламасы 14 810 адамды қамтып, 1,6 млрд теңге төленді. АӘК алушы отбасылардан шыққан 4 727-ден астам бала тамақ және тұрмыстық химия өнімдерін сатып алуға 5 538 теңге мөлшерінде қосымша төлем алды.

Коммуналдық қызметтер тарифтерінің өсуіне байланысты азаматтарды қолдауға жеке бағытына көңіл бөлінді. «Тарифті инвестицияға айырбастау»  бағдарламасы аясында 140 мыңнан астам азамат коммуналдық қызметтер үшін ай сайынғы өтемақы алды, төлемдердің жалпы сомасы 4 млрд теңгені құрады.

8 620 азаматқа 20 АЕК мөлшерінде біржолғы көмек, ал табиғи апаттардан зардап шеккендерге 32,5 млн теңгеге қолдау көрсетілді.

Мүгедектігі бар адамдарды әлеуметтік қолдау мақсатында жергілікті бюджеттен 15 млрд теңгеден астам қаражат бөлінді. 41 мыңнан астам адам қажетті техникалық құралдармен және оңалту қызметтерімен қамтамасыз етілген, қосымша 5 мың адам әлеуметтік қызметтер порталы арқылы қамтамасыз етуді күтуде.

Мүгедектігі бар адамдарға және жүріп-тұруы қиын мүгедектігі бар балаларға қосымша «Инватакси» қызметтері ұсынылады, ол мемлекеттік әлеуметтік тапсырыс арқылы 100 автокөлікпен жүзеге асырылады.

2023 жылдың шілдесінен бастап «Яндекс такси» такси агрегаторы арқылы қызметті іске асыру бойынша пилоттық жоба іске қосылды, бұл мұқтаждарды қамтуды 1,5 мыңнан 2 мыңға дейін ұлғайтуға мүмкіндік берді. Бұл ретте, ағымдағы жылы инватакси қызметтерін көрсетуге қаржыландыру ұлғайтылды, бұл автомашиналар паркін 130 бірлікке дейін ұлғайтуға мүмкіндік береді және 2,5 мыңға дейін мүгедектігі бар адамдарды қамтуды қамтамасыз етеді, - деп атап өтті ӨКҚ спикері.

Сондай-ақ, қолжетімділік тұрғысынан қалалық инфрақұрылымды паспорттауға ерекше назар аударылады. Алматы қаласын дамытудың 2025 жылға дейінгі бағдарламасы және 2030 жылға дейінгі орта мерзімді перспективалар шеңберінде халықтың аз қозғалатын топтары үшін одан әрі бейімделе отырып, қаланың 55 мың инфрақұрылым объектілеріне паспорттау жүргізу жоспарланған.

Басқарма жанынан мүгедек адамдарға, мүгедек балаларға, зейнеткерлерге, өмірлік қиын жағдайға тап болған адамдарға арнаулы әлеуметтік қызметтердің кепілдендірілген көлемін көрсететін 10 медициналық-әлеуметтік мекеме жұмыс істейді. Сондай-ақ ондаған мың тұрғынды қамтыған Белсенді ұзақ өмір сүру, отбасын қолдау және әлеуметтік интеграция орталықтары бар, сондай-ақ даму кемістігі бар балаларға ерте араласу сияқты бірегей бағдарламалар іске қосылды.