Еліміздің үш қаласында ауа сапасы нашарлайды

«Қазгидромет» РМК 9 наурыздағы Қазақстан қалаларындағы ауа сапасына болжамын жариялады, деп хабарлайды Almaty.tv.

Қолайсыз метеорологиялық жағдай Қарағанды, Шымкент және Қызылорда қалаларында болады. Өзге шаһарларда метеоахуал бірқалыпты. 

Қолайсыз метеорологиялық жағдай – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. 

ҚМЖ жағдайында елді мекендердегі атмосфералық ауаның сапасы нашарлауы ықтимал.