Қазақстанның 5 қаласында ауа сапасы нашарлайды

«Қазгидромет» РМК Қазақтан қалаларындағы ауа сапасының метеорологиялық ахуалы туралы айтты, деп хабарлайды Almaty.tv.

8 желтоқсан күні Ақтөбе, Шымкент, Нұр-Сұлтан, Өскемен, Қызылорда қалаларында қолайсыз метеожағдай қалыптасады. Қазақстанның өзге шаһарларында ауаның ластануы күтілмейді.

Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.