«Алтын-Емел» паркінде аю фототұзаққа түсіп қалды

altynemel_np

Зерттеушілер алдағы уақытта бақылау жұмыстарын жалғастырады

Алматы облысындағы «Алтын-Емел» ұлттық паркінде Қазақстанның Қызыл кітабына енген Тянь-Шань қоңыр аюы фототұзаққа түсіп қалды, деп хабарлайды Almaty.tv.

Бұл туралы ақпарат «Алтын – Емел» табиғи паркінің Instagram-дағы парақшасында жарияланды.

«Алтын – Емел» мемлекеттік ұлттық табиғи паркі аумағында Қызыл кітапта тіркелген сирек кездесетін «Тянь – Шань» қоңыр аюы фото және фото тұзаққа түсті», – делінген әлеуметтік желідегі парақшада.

Ұлттық парк мәліметінше, зерттеушілер алдағы уақытта бақылау жұмыстарын жалғастыратын болады.