Павлодар облысындағы қызғылт көлдің кадры әлеуметтік желіге тарап кетті

Павлодар облысындағы Коряковка көлі таязданып кетті, деп хабарлайды Almaty.tv тілшісі Ulysmedia.kz-ке сілтеме жасап.

Көлдің жан түршігерлік кадрларын блогер Денис Денский жариялады.

"Қазақстанда енді қызғылт көл жоқ па? Бұл видеоны менің блогымның оқырманы түсірген, ол бір айдан кейін біреудің көлді арнайы құрғатып, тұз өндіретінін жария етуді ұйғарған. 2020 жылы танымал болған қызғылт көлдің жанында  орын тепкен, Павлодарға жақын маңдағы Коряковка ауылы да тозып кеткен!" – дейді ол.

Көлдің жай-күйіне әлеуметтік желі қолданушылары наразы. Олар жергілікті билік пен Экология министрлігін жұмысындағы кемшіліктер үшін сынға алды.

Экология министрлігі шынымен де заңсыз тұз өндіру фактісі болғанын мойындады.

"Бейнедегі сипаттамаға сәйкес көрсетілген орын дұрыс. Алайда өнеркәсіптік көлемде өндіріс байқалмайды, болжам бойынша тұз өндіруді жергілікті тұрғындар өз қажеттіліктері үшін, қарабайыр тәсілдермен (моншаларда) жүргізеді", - деп атап өтті ведомстводан.

Ведомстводағылар "көлдегі су деңгейі қыста қардың аз болуынан және жыл басынан бері еріген судың болмауынан" төмендеді деп сендіреді.

Еске салайық, "Мультисервис" ЖШС компаниясының Коряковка көлінде тұз өндіруге лицензиясы бар (компания оны 2020 жылы алған).