|
04.01.2023 | 21:19
1314

Киік атуға жарияланған мораторий ұзартылды

Қазақстан аумағында киіктердің дүниежүзілік популяциясының 90%-дан астамы мекендейді

Киік атуға жарияланған мораторий ұзартылды Сурет: Depositphotos

Киіктерді, олардың бөліктері мен дериваттарын пайдалануға мораторий 2024 жылға дейін ұзартылды деп хабарлады Almaty.tv

Экология және табиғи ресурстар министрлігінің мәліметінше, Қазақстан аумағында киіктердің дүниежүзілік популяциясының 90%-дан астамы мекендейді.

«Аталмыш жануарлардың санының азаюына байланысты (2003 жылы 21 мың басты құрады) ҚР Үкіметі оларды қорғау бойынша бірқатар кешенді шаралар қабылдады, оның ішінде киіктерді пайдалануға мораторий енгізілді.

Қабылданған шаралардың арқасында бүгінгі күні киік саны 1,3 млн басқа (төлдеу кезеңіне дейін) жетіп отыр, айта кету керек, олардың оңтайлы саны 700-800 мыңды құрайды», – делінген министрлік хабарламасында.

Бұл ретте, ауыл шаруашылығы жануарлары мен киіктердің арасында жайылымдар мен суаратын жерлер үшін бәсекелестік күшейді, киіктердің егін таптау жағдайлары жиіледі. Осыған байланысты, министрлік 2023 жылы киік популяциясын басқару жөніндегі биологиялық негіздеме аясында оларды ғылыми зерттеуді жоспарлады, оның барысында мынадай мәселелер зерделенетін болады:

1) киік популяцияларының даму болжамы;

2) киіктердің ареалы мен көші-қон жолдарын нақтылау;

3) киіктердің азықтық базасын зерделеу;

4) ауыл шаруашылығымен бәсекелестікті төмендету бойынша ұсыныстар әзірлеу.

Осыған байланысты, ҚР ЭТРМ Орман шаруашылығы және жануарлар дүниесі комитеті ғылыми-зерттеу жұмыстары кезеңінде 2022 жылғы 28 желтоқсандағы бұйрықпен республиканың бүкіл аумағында киіктерді, олардың бөліктері мен дериваттарын пайдалануға мораторийді ғылыми негіздемеге сәйкес 2024 жылға дейін ұзартты.

Дереккөз: turkystan.kz.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир