|
19.03.2021 | 12:00
854

Мұнай бағасы күрт төмендеп кетті

Мұнайдың әлемдік бағасы бейсенбі күні кешке қыза түскен нарыққа енгізілген түзетуден кейін төмендеген

Мұнай бағасы күрт төмендеп кетті Фото: ашық дереккөзден

Brent маркалы мұнайдың бағасы 11 ақпаннан бері алғаш рет барреліне 62 доллардан төмендеп, әлемдік баға 9 процентке дейін құлдырады, деп хабарлайды Almaty.tv тілшісі Sputnik Қазақстанға сілтеме жасап.

Солтүстіктеңіз мұнай қоспасының Brent маркасына мамыр айындағы фьючерстерінің бағасы 9,07% төмендеп, 61,83 долларды құрады. WTI үшін сәуір фьючерстерінің құны 9,15% -ға төмендеп, барреліне 58,69 долларды құрады

Мұнайдың әлемдік бағасы бейсенбі күні кешке қыза түскен нарыққа енгізілген түзетуден кейін төмендеген. Бірақ қазіргі баға ұсыныстарына қатысты РИА Новостиге пікір білдірген Fitch табиғи ресурстар мен шикізат тауарлары тобы агенттігінің директоры Дмитрий Маринченко айтарлықтай құлдырау күтілмейтінін айтты.

«Нарықтағы сұраныс пен ұсыныстың тепе-теңдігі айтарлықтай өзгерген жоқ. Біздің бағалауымыз бойынша Иран тарапынан өндірістің өсуіне қарамастан нарықта тапшылық сезіледі. Ал бұл тапшылық бағаға қолдау болғанымен, 2020 жылдың екінші тоқсанында қалыптасқан жағдай сияқты қатты құлдырауды күтпейміз. Қазіргі динамиканы қыза түскен нарықтағы бағаны түзету деп санауға болады», – деп түсіндірді Маринченко.

Fitch сарапшылары Brent маркалы мұнайдың орташа жылдық бағасы биыл барреліне 58 доллар болады деп болжайды, деп еске салды ол. 50-60 АҚШ доллары шамасындағы бағаны екінші жартыжылдықта, яғни ОПЕК+ өндірісті ұлғайта бастаған сәтте байқалуы мүмкін.

Наурызда өткен кездесу кезінде ОПЕК+ күтпеген жерден барлық елдер үшін мұнай өндірудің ағымдағы деңгейін ұстап тұруға шешім қабылдады. Сонымен бірге Ресей үшін өндірісті сәуірде тәулігіне 130 мың баррельге, ал Қазақстан үшін – 20 мыңға көбейту келісілді.

Айта кетейік, ОПЕК+ министрлер мониторингі комитетінің (JMMC) келесі кездесуі 31 наурызда, ОПЕК+ альянсының отырысы аясында 1 сәуірде өтеді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир