Алматы қаласының әкімі Ерболат Досаев мегаполисте жоғары инвестициялық белсенділік сақталып отырғанын атап өтті, деп хабарлайды Almaty.tv.
Мәселен, 2023 жылдың 11 айында негізгі капиталға 19,9% өсіммен 1,5 трлн теңгеден астам инвестиция тартылды.
Сонымен қатар атап өтілгендей, жеке инвестициялардың өсімі 30,3%-ға дейін жеделдеді.
- Инвестициялар құрылымында IT-секторды 7,3 есеге, денсаулық сақтауды 3,7 есеге, өңдеу өнеркәсібін 19,2 пайызға және туризмді 2 есеге дамытуға баса назар аударатын сапалы өзгерістер бар, - деді Алматы әкімі.
Жоғары инвестициялық белсенділік пен экономиканың серпінді дамуы биылғы 8 желтоқсанда Fitch Ratings тарапынан Алматының кредиттік рейтингін «ВВВ» деңгейінде «Тұрақты» болжаммен растауға мүмкіндік берді.
Оқи отырыңыз: Алматыда автобустарды уақытша сақтау орны жойылады
