Қазақстанда әлеуметтік желі арқылы қару сатылып жатыр

Мұндай ақпаратты тәртіп сақшылары мониторинг жүргізу кезінде анықтаған. Алаяқтар травматикалық қаруды көбіне Телеграмм, ВК және WhatsApp месенджерлері арқылы саудалап келген, деп хабарлайды Almaty.tv тілшісі.

Нұр-Сұлтан қаласы полиция департаментінің хабарлауынша еліміз аумағында травматикалық қаруды сатуға заң жүзінде тыйым салынған. Қаруды сату, сақтау, тасымалдау дерегі анықталған жағдайда Қазақстан Республикасының қылмыстық кодексінің 287-бабы бойынша қылмыстық іс қозғалады.