|
Ekonomıka
14.12.2019 | 18:52

Тәуелсіздік мерекесіне орай Алматыда азық-түлік жәрмеңкесі өтті

Жәрмеңке 8 павильонда өтті

Тәуелсіздік мерекесіне орай Алматыда азық-түлік жәрмеңкесі өтті

Әлеуметтік кәсіпкерлік корпорациялардың ұйымдастыруымен өткен жәрмеңке 8 павильонда көкөніс пен ет төмен бағада сатылды. Тұрғындарға сатылған өнімдер нарықтық бағадан 15-40 пайызға арзан, деп хабарлайды Almaty.tv тілшісі.

Алматы қаласы Кәсіпкерлік және инвестициялар басқармасы өкілдерінің айтуынша, мереке күндері әлеуметтік маңызы бар азық-түліктің бағасын қымбаттатпай, тұрақты ұстауды тапсырды.

«Негізі бұл жәрмеңке сенбі-жексенбі күндері ғана өтетін. Біз Тәуелсіздік күнінің қарсаңында үш күнге өткізуді жоспарлап отырмыз. 14-16-ы аралығында үш күн қатарынан жәрмеңке өтеді. Онда 100 тоннадан астам өнім сатылады», - деді Алматы қаласы Кәсіпкерлік және инвестициялар басқармасы агроөнеркәсіп кешені бөлімінің бас маманы Қанат КӘКЕНҰЛЫ.

Мереке қарсаңында азық-түлік өнімдеріне сұраныс қашан да жоғары.

Жәрмеңке алдағы мереке күндері Алматы қаласындағы Бостандық, Әуезов, Жетісу аудандарында өтеді. Сағат таңғы 9-дан кешкі 9-ға дейін ашық. Ерте келген алматылықтар арзан бағамен ұсынылған өнімдері сатып алды. Алдағы уақытта бағасы қолжетімді азық-түлік тауарларын сату нүктелерін кеңейту жоспарланып отыр.

«Керекті заттың бәрін осы жерден аламыз. Тауар түрі көп, халық та көп келеді осы жерге», - деді бір тұрғын.

«Бүгін балық алдым. Балықтың бағасы басқа базарларға қарағанда арзанырақ», - деді келесі бір тұрғын.


Ұйымдастырушылардың айтуынша осы сынды жәрмеңкелер Жаңа жылға дейін бағаны ұстап тұру үшін қаланың бірнеше аудандарында әр демалыс күндері өткізіледі дейді.


Ұлағат Арғынұлы, Мұрат Тайжанов, «Алматы» телеарнасы

‡агрузка...

Прямой эфир