Астанада пәтер жалдау құны неге қымбаттап кетті - сарапшы жауабы

Астанада пәтер жалдау құны 6,1 пайызға қымбаттады. Соңғы рет бағаның бұлай құбылуы 2022 жылдың қыркүйегінде тіркелген болатын. Қазір бас қалада жалдамалы баспананың 1 шаршы метрі орташа есеппен 5 мың теңге шамасында. Бұл өзге өңірлермен салыстырғанда 9 пайызға жоғары. Сала мамандары пәтер құнының бірден өсіп кетуін немен байланыстырады? Бұл сауалға баспана нарығы бойынша сарапшы Жаннұр ҒАЗИЗБЕК AlmatyTV эфирінде жауап бермек.

- Жаннұр ханым, елордада пәтер жалдау бағасының өсуіне не себеп?

- Астана қаласы бойынша жалға берілетін пәтерлердің құны не үшін көтеріліп жатқанының негізгі себептерін айта кетейін. Оның бірден бір себебі - Қазақстан Республикасының Ұлттық банкінің базалық ставкасының көтерілуі. Оның деңгейі былтырмен салыстырғанда 15,25 деңгейге дейін көтеріліп отыр. Екінші себебі – инфляция. Инфляцияның бүгінгі деңгейі Қазақстан Республикасы бойынша 8,5 пайыз болды.

- Сонда баспананың қандай түріне баға көтерілген?  

- Астана қаласы бойынша жалға берілетін пәтерлердің бағасының өсуі белгіленіп отыр. Атап айта кететін болсақ, 1 бөлмелі пәтерлердің бағасы 10 пайызға, 2 және 3 бөлмелі пәтерлердің бағасы 6 мен 8 пайыз аралығында көтеріліп отыр.

- Алдағы уақытта Астанада пәтер жалдау құны тағы көтерілуі мүмкін бе?

- Көптеген факторларды есептей келе, маман ретінде Астанадағы пәтерлердің жалға беру құны көтерілуі мүмкін. Бірден-бір себебі, Ұлттық банктің базалық ставкасының көтерілуі, екінші деңгейлі инфлицияның деңгейі, құрылыс материалдарының бағаларының, АЕК-тің көтерілуі, бәрі әсерін тигізіп отыр.

Оқи отырыңыз: Алматыда есептеу құралдары жоқ тұрғындар үшін су тұтыну нормалары өзгерді