Өңдеу өнеркәсібінде өсім мен инвестиция көлемі артты

Қазақстан Республикасының Президенті Қасым-Жомарт Тоқаевтың өңдеу өнеркәсібін дамыту, экономиканы әртараптандыру және инвестициялар тарту жөніндегі тапсырмаларын орындау шеңберінде 2025 жылы негізгі салалардың тұрақты өсуі қамтамасыз етілді, – деп хабарлайды Almaty.tv.

Қаңтар-желтоқсан айларының қорытындысы бойынша өңдеу өнеркәсібінің жиынтық өсімі 6,4%-ды құрады, оған жұмыс істеп тұрған қуаттарды кеңейту және бүкіл ел бойынша ірі инвестициялық жобаларды жүзеге асыру ықпал етті.

Өңдеу өнеркәсібінің көптеген секторларында оң динамика тіркелді. Ең жоғары өсу қарқынын машина жасау (+12,9%), химия өнеркәсібі (+9,8%), құрылыс материалдарын өндіру (+9,7%), дайын металл бұйымдарын өндіру (+13,6%) және жеңіл өнеркәсіп (+13,2%) көрсетті. Өсім металлургияда (+1,2%) және резеңке мен пластмасса бұйымдар сегментінде (+7,6%), қағазда (+5,3%) байқалды.

Оқи отырыңыз: Алматы музейі жаңа жұмыс режиміне ауысты