Германияның денсаулық сақтау министрінен коронавирус анықталды

Германияның денсаулық сақтау министрі Йенс Шпаннан коронавирус анықталды, деп хабарлайды Almaty.tv тілшісі ҚазАқпаратқа сілтеме жасап.

Коронавирус пандемиясы кезінде Германияда ең танымал болған 40 жастағы саясаткер бірден үй карантиніне жіберілді. Министр емді үйде қабылдайды. 

Апта басында Й.Шпан үкімет отырысына қатысқан болатын. Ол вирус жұқтырушысы болуы мүмкін. Алайда, Германиядағы кейбір БАҚ-тың хабарлауынша, Й.Шпан гигиена ережелерін сақтап, маска таққан, сондықтан оның министрлер кабинетіндегі әріптестеріне карантинге кету міндетті емес. 

Сондай-ақ, Германияда COVID-19 жұқтырушылар саны өсуде. Роберт Кох институтының мәліметінше, соңғы тәулікте елде 7 595 коронавирусқа шалдығудың жаңа жағдайы тіркелген. Ауру жұқтыру көрсеткіші 100 мың халыққа шаққанда 51 сырқаттану жағдайын құрайды. Германияда пандемия басталғалы 380 мыңнан астам коронавирусқа шалыдғу жағдайы тіркелген. Олардың 302 мыңнан астамы емделіп шыққан. 9966 адам қауіпті індеттен көз жұмған.