Еуропада коронавирус жұқтырғандардың рекорд көрсеткіші тіркелді

Еуропаның бірнеше елінде коронавирус жұқтырғандардың рекорд көрсеткіші тіркелді, деп хабарлайды Almaty.tv тілшісі Tengrinews.kz-ке сілтеме жасап.

Францияда соңғы тәулікте 18 746 адам COVID-19 жұқтырды. Бұған дейін тәулігіне тіркелген жоғары көрсеткіш 16 мыңнан асатын. Пандемия басынан бері Францияда коронавирус жұқтырғандар саны 653 мыңнан асты, 32 445 науқас қайтыс болды. Парижде шағын асханалар екі аптаға жабылды.

Испанияда Мадридтен кейін Кастилия аймағының екі қаласында Паленсия және Леонда қатаң карантин енгізілді.

Польшада 303 адам ауырып, рекорд жағдай анықталған. Сондай-ақ, қайтыс болғандардың да рекорд көрсеткіші тіркелді – 75 адам. Пандемия басынан бері Польшада коронавирус жұқтырғандар саны 107 319-ға жетті.

Словакияда да COVID-19 жұқтыру жағдайының рекорд көрсеткіші тіркелді. Өткен тәулікте 877 адам ауырғаны анықталды. Жалпы елде 14 689 жағдай тіркелді, 5 200 науқас жазылды, 55-і қайтыс болды.

«Біз үшін ауыр күндер басталды және әрине, жаңа рекордтар болады», – деді Словакия премьері Игорь Матович.