Елімізде коронавирустың «стелс-омикрон» штамы анықталды

10.06.2022 14:58

Министрлік коронавирус инфекциясына қарсы уақтылы вакцинациядан, ревакцинациядан өтуге кеңес береді

Photo: inbusiness.kz

Денсаулық сақтау министрлігі Қазақстанда «стелс-омикрон» штамын анықтады, деп хабарлайды Almaty.tv тілшісі коронавирустрың таралуына жол бермеу жөніндегі ВАК баспасөз қызметіне сілтеме жасап.

2022 жылдың сәуір-мамыр айларында ДСМ жүргізген ПТР скринингінің нәтижесі бойынша коронавирус инфекциясының әртүрлі штамының айналымы анықталған. Барлық өңірде BA.1 «омикрон» штамының үлесі 98,6 пайызды құраған. Оның ішінде 12 өңірде BA.2 «стелс-омикрон» – 36,7%, B.1.617-Delta – 1,4% анықталды. 

ПТР скринингінің нәтижесін растау үшін толық геномды секвенирлеу жүргізілген. Нәтижесінде BA.2 «стелс-омикрон» штамының – 93,8%: 


  • Ақтөбе облысы
  • Алматы облысы
  • Атырау облысы
  • Шығыс Қазақстан облысы
  • Қызылорда облысы
  • Қостанай облысы
  • Қарағанды облысы
  • Маңғыстау облысы
  • Павлодар облысы 
  • Солтүстік Қазақстан облысы
  • Алматы қаласы
  • Нұр-Сұлтан қаласы 


BA.1 «омикрон» штамының – 6,2%: 


  • Атырау облысы 
  • Қызылорда облысы 
  • Қарағанды облысы 
  • Алматы қаласы 
  • Нұр-Сұлтан қаласы 


Эпидемиологиялық жағдайдың тұрақтануына қарамастан, Министрлік коронавирус инфекциясына қарсы уақтылы вакцинациядан, ревакцинациядан өтуге кеңес береді. Қазіргі уақытта Қазақстанда КВИ-ға қарсы вакцинациялау және ревакцинациялау үшін вакцинаның 3 түрі бар (Пфайзер, Синофарм және КазВак), оның ішінде екеуін ДДСҰ мақұлдаған.

Теги: коронавирус омикрон штаммы рекомендации вакцинация ревакцинация
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Қазақстанда өткен тәулікте 9 адамнан коронавирус анықталды