Меншікті өндіріс
Біз әлеуметтік желілердеміз
Алматыда коронавирустық инфекцияны жұқтырудың расталған 116 жағдайы тіркелді
79 науқастың жай-күйі – қанағаттанарлық. 2 ересек адамның жай-күйі – өте ауыр, 2 адамда – ауыр, 13 ересек адамның жай-күйі – орташа
Індетті жұқтырушылармен байланыста болған жаңа алты жағдай анықталды, деп хабарлайды Almaty.tv әкімдіктің баспасөз қызметіне сілтеме жасап.
Қазіргі уақытта қаланың жұқпалы аурулар стационарларында COVID-19 диагнозы бар 96 пациент бар, оның ішінде бір әйел адам Алматы облысының тұрғыны.
79 науқастың жай-күйі – қанағаттанарлық. 2 ересек адамның жай-күйі – өте ауыр, 2 адамда – ауыр, 13 ересек адамның жай-күйі – орташа.
Бүгін коронавирустық инфекциядан жазылған тағы екі науқас ауруханадан шығарылды. Бұл 1997 және 1998 жылғы қыздар. Олардың бірі 15 наурызда Ыстамбұл – Алматы рейсімен ұшып келген, екіншісі бұған дейін анықталған науқаспен байланыста болған.
Бүгінде мегаполисте жалпы 21 науқас сауығып жазылды, оның ішінде 2-і – бала.
Олардың барлығы 14 күндік үй карантинінде жатыр.
Қазіргі уақытта провизор орталықтарында 521 адам бар, оның ішінде 79-ы – бала.
Екі күндік карантинде – 390 адам (48 бала), үй карантинінде – 4805 адам.