7 мамырдағы мәлімет бойынша, Қазақстанда 42 436 адам коронавирус инфекциясынан (41 965 КВИ+ және 471 КВИ-) емделіп жатыр, деп хабарлайды Almaty.tv.
Бүгін тағы 2 840 отандасымыздан коронавирус инфекциясы анықталды. Осылайша жалпы жұқтырғандар саны 337 мыңнан асты. Ал кеше 25 науқас көз жұмған. Пандемия басталғалы бері 3 мың 858 азамат кеселдің құрбаны болды. Емделіп жатқан 42 436 адамның ішінде 782 адамның жағдайы ауыр болса, 188 пациенттің халі тым нашар. 155 науқас өкпені жасанды желдету аппаратына қосылған.