«Ashyq» жобасына қатысушылар үшін қандай шектеулер жойылды

Қазақстан Республикасының Бас мемлекеттік санитариялық дәрігері Айжан Есмағамбетова «Ashyq» жобасына қатысушылар үшін қолданыстағы шектеулерді жеңілдетуді көздейтін № 10 қаулыға қол қойды, деп хабарлайды Almaty.tv.

- Бейтарап «көк» мәртебесі бар келушілер үшін «қызыл» аймақта көпшілік жиналатын орындарға – үй-жайлар 70%-ға дейін толған кезде, ойын-сауық орталықтарына, сауда үйлері мен сауда желілеріне, көрмелерге, караокеге, түнгі клубтарға, спорт кешендеріне, бассейндерге, спорттық іс-шараларға, ойын клубтарына, казиноға, сондай-ақ салтанатты жиындарға, ас беруге, көпшілік және өзге де іс-шараларға бару кезіндегі шектеулер алынып тасталды.

- Қызметтің барлық түрлері үшін «сары» аймақтағы шектеулер алынып тасталды.

Бұдан басқа, Қазақстан Республикасының Бас мемлекеттік санитариялық дәрігерінің 2022 жылғы 18 ақпандағы № 11 қаулысымен қолданыстағы кейбір қаулыларға өзгерістер енгізілді.

- Ауру белгілері болмаған кезде байланыста болған адамдарды үй карантинінде оқшаулау алынып тасталды.

- «Комирнати» (Пфайзер) вакцинасын қолдана отырып, вакцинациялауға жататын адамдардың тізбесі кеңейтілді: тізбеге бірінші, екінші және үшінші топтағы мүгедектігі бар адамдар және бірінші курсты аяқтау үшін, шетелде вакцинаның бірінші дозасын алған адамдар енгізілді.

- «Комирнати» (Пфайзер) вакцинасын қолдана отырып, ревакцинациялауға жататын адамдардың тізбесі кеңейтілді: тізбеге бірінші, екінші және үшінші топтағы мүгедектігі бар адамдар және 50 жастағы және одан жоғары жастағы адамдар енгізілді.

- Қазақстан Республикасына кіру үшін құжаттамалық растауды ұсыну кезінде ҚР шекарасын кесіп өткен сәтте Қазақстан Республикасында ревакцинация алған немесе егер екінші компонентті алғаннан кейін алты айдан аспайтын уақыт өткен болса, COVID-19-ға қарсы вакцинациялаудың толық курсын алған адамдарға; Қазақстан Республикасының Бас мемлекеттік санитариялық дәрігерінің қаулысына сәйкес Қазақстан Республикасының аумағында жарамды деп танылған COVID-19-ға қарсы вакцинациялау туралы паспортты/сертификатты/анықтаманы ұсынған адамдарға ПТР-тест жүргізу талап етілмейді.

- Бірге еріп жүретін адамдарда «жасыл» немесе «көк» мәртебе болған жағдайда оларға білім беру ұйымдарына кіруге шектеулер алынып тасталды.

- Кинозалдарға тамақ және сусын алып кіруге қойылатын тыйым алынып тасталды.