Шымкентте COVID-19 вирусын жұқтырған 12 адам тіркелді

Шымкент қаласында коронавирус инфекциясын жұқтырған 12 адам тіркелді, деп хабарлайды Almaty.tv Мемлекеттік комиссияның шұғыл штабына слтеме жасап.

"ПТР диагностикалық зерттеу нәтижелері бойынша Шымкент қаласының 12 тұрғынынан COVID-19 вирусы анықталды, олар — 1991, 1985, 1966, 1986, 1994, 1992 , 2000, 2006, 1970, 1998, 1994, 2001 жылғы азаматтар. Барлығы өздеріне дейін вирусты жұқтырған адамдармен қарым-қатынаста болған. Тиісінше барлығы жұқпалы аурулар стационарына жатқызылған", - делінген хабарламада.

Қазіргі таңда науқастардың жағдайы қанағаттанарлық. Бекітілген хаттамаға сәйкес тиісті ем жүргізіліп жатыр.

Профилактикалық іс-шараларды жүргізу үшін науқастармен қарым-қатынаста болған адамдар анықталуда.

Ауру ошақтарында дезинфекциялық жұмыстар жүргізіліп жатыр.

Қазіргі уақытта қала бойынша COVID-19 коронавирус инфекциясын жұқтырған 267 адам анықталған.