Коронавирус індетінен кейін Жапонияда алғаш рет халықаралық турнир өтеді

Жапония астанасы Токиода спорттық гимнастикадан халықаралық турнир өтеді. Бұл коронавирус індеті басталғалы бері күншығыс елінде өтетін алғашқы турнир болмақ, деп хабарлайды Almaty.tv тілшісі BAQ.KZ-ке сілтеме жасап.

Спорттық гимнастикадан халықаралық сында АҚШ, Жапония, Қытай және Ресейден жалпы есебі 32 атлет бақ сынайды.

Турнир 8 қарашада басталады деп жоспарлануда.  

Жарысқа қатысушылар екі апта бойы өз елдерінде оқшауланып, арнайы тест тапсырып, турнир басталуына бес күн қалғанда Жапонияға келеді.  Осылайша, спортшылар Жапонияға шетелден келушілерге арналған 14 күндік карантиннен босатылады.