Меншікті өндіріс
Біз әлеуметтік желілердеміз
Қарағанды облысында коронавирус белгілерімен 24 адам тіркелді
Бүгінде облыста коронавирус инфекциясымен жалпы 1129 адам анықталды
Қарағанды облысында коронавирус инфекциясының ауру белгілерімен 24 адам тіркелді, деп хабарлайды Almaty.tv COVID-19 таралуына жол бермеу жөніндегі ведомствоаралық комиссия мәліметіне сілтеме жасай отырып.
ПТР диагностикалық зерттеу нәтижелері бойынша 24 адамда COVID-19 вирусы анықталды, тіркелген жағдайлар скрининг барысында және бұған дейін ауырған адамдармен жақын байланыста болғандарды тексеру нәтижесінде анықталды.
«Қарағанды қаласында – 7 адам, Теміртау қаласында – 11, Шахтинск қаласында – 1, Сәтбаев қаласында – 4, Қарқаралы ауданында– 1 адам тіркелді. Барлығы жұқпалы аурулар стационарына жатқызылды», - делінген хабарламада.
Қазіргі уақытта науқастардың жағдайы қанағаттанарлық, ем алып жатыр. Ауру ошақтарында дезинфекция жасалды.
Бүгінде облыста коронавирус инфекциясымен жалпы 1129 адам анықталды, олардың ішінде 5 адам қайтыс болды және 442 пациент жазылып шықты.