Германияда карантин режимі жеңілдетілген соң коронавирус өршіп кетті

11.05.2020 19:55

6 мамырда Германия канцлері Ангела Меркель мен 16 федералды штаттың билігі шектеу шараларын жеңілдету туралы келіскен болатын

Өткен сәрсенбіден бастап Германияда билік карантин режимін жеңілдеткен болатын. Осыдан кейін елде коронавирус инфекциясын жұқтыру саны артып кетті, деп хабарлайды ҚазАқпарат Euronews агенттігіне сілтеме жасап.

Роберт Кох институтының мәліметінше, базалық репродуктивті көсреткіш R 1,1 деңгейден жоғары болды. Бұл 10 науқас енді 11 адамға жұқтыратынын көрсетеді. Бұрын көбею жылдамдығы бірліктен аз болған. Елде коронавирус 169 мыңнан астам адамнан анықталды.

COVID-19 вирусынан 7 395 адам қайтыс болды, 144 000 адам сауығып шықты. Соңғы күндері Солтүстік Рейн-Вестфалия және Шлезвиг-Гольштейн федералдық жерлерінде ет комбинаттарында инфекцияның өршуі байқалады. Билік осы кәсіпорындарды жабуға мәжбүр болды. 6 мамырда Германия канцлері Ангела Меркель мен 16 федералды штаттың билігі шектеу шараларын жеңілдету туралы келіскен болатын.

Алайда үкімет басшысы инфекцияның жаңа ошақтары байқалатын аймақтар карантиндік режимге оралатынын айтты. Осыған орай елде пандемияға байланысты шектеу шараларына наразылықтар өтті. Штутгартта болған демонстрацияға қатысушылар олардың бостандығына қауіп төніп тұрғанын және коронавируспен байланысты қауіп-қатерлер бос дақпырт екенін айтуда.

Теги: коронавирус Германия карантин пандемия эпидемия туберкулез
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Ресейде түнде көршілерінің шуына ашулаған тұрғын оларға граната лақтырған