Гренландия билігі коронавирусты жеңгенін хабарлады, деп хабарлайды Almaty.tv aikyn.kz-ке сілтеме жасап.
Белгілі болғандай, 4 сәуірден бастап Гренландияда коронавирус жұқтырған бірде-бір жағдай тіркелмеген. Ал бұған дейін COVID-19 жұқтырған 11 адам індеттен толық айығып шыққан. Осы уақытқа дейін елде 900 адам тестілеуден өткен, себебі 16 наурызда вирус жұқтырған алғашқы адам анықталды.
Премьер-министр Ким Кильсен жаңа жағдайлар тіркелмесе, жуық арада ел астанасы Нуукты ашу туралы шешім қабылдамақ.
Әзірге Гренландия – коронавирусты ешбір өлім-жітімсіз жеңген алғашқы мемлекет.
