Коронавирусты тұмаудан қалай ажыратамыз

Алматылық  дәрігер коронавирусты тұмаудан қалай ажыратуға болатынын айтты, деп хабарлайды Almaty.tv.

Коронавирус ауруын тұмаудан ажырату өте маңызды, өйткені денсаулыққа қауіп төндіреді және бұл ауруларды емдеу тактикасы әртүрлі. Суық тию мезгілі қарсаңында Алматы қаласының №8 емханасының бас дәрігері Фарида Ағыбаева осы инфекциялардың негізгі белгілері туралы еске салды.

Ф. Ағыбаева Алматыда коронавирустық инфекцияның жаңа нұсқаларының айналымы жалғасып жатқанын, бұл ретте салқындау кезінде ЖРВИ мен тұмаудың келу қаупі жоғары екенін атап өтті.

«Тұмау да, коронавирус та – өткір жұқпалы аурулар. Тұмау дене температурасының күрт жоғарылауы, жөтел, бас ауруы, бұлшық ет және буын аурулары, әлсіздік, мұрынның ағуы сияқты белгілердің өткір дамуымен сипатталады және 2-ден 7 күнге дейін созылады. Алайда, тұмау инфекциясы кейде ауыр ауруды тудыруы мүмкін, әсіресе қарттар, жүкті әйелдер, балалар арасында. Сондықтан коронавирусты немесе тұмауды бірден ажырату мүмкін емес», – деді Ф. Ағыбаева.

Оның үстіне, тұмау да, COVID-19 да дертіне ұқсас  – симптомсыз немесе жеңіл жүреді, ауырып жүріп,  артынан асқынған соң  өлімге әкелуі мүмкін.

«Тұмауды жай  дерт  деп ойлауға болмайды. Бұл жағдайда коронавирус зиянды. Екі вирустың да белгілері ұқсас болғанымен, кем дегенде бастапқы кезеңде ауыр және критикалық жағдайлардың үлесі де әртүрлі: COVID-19 кезінде олар тұмауға қарағанда көп», –  дейді Ф. Ағыбаева.

Мысалы, тұмау вирусы жұқтырған кезден көбейіп, өзін тез көрсете бастайды. Орташа алғанда, инкубациялық кезең (инфекциядан алғашқы белгілердің басталуына дейінгі уақыт) бірнеше сағаттан 1-2 күнге дейін. Тұмауратқан науқас басқаларға жұқпалы болып табылады, негізінен аурудың алғашқы 3-5 күнінде.

COVID-19 инкубациялық кезеңі ұзағырақ, 4-тен 6 күнге дейін, бірақ қысқа немесе ұзағырақ болуы мүмкін. Сондықтан эпидемиологтардың барлығы –  науқастарға да, сау адамдарға да бетперде киюі талап етіледі.

№8 қалалық емхананың бас дәрігері иісті сезінбеу коронавирустың негізгі симптомы деген пікір қате екенін айтты.

«Иісті сезінбеу -бұл назар аударатын симптом. Алайда, бұл барлық адамдарда бола бермейді және диагноз қоюға негіз бермейді. Дәмі мен иісі жоғалды ма, жоқ па –  маңызды емес. Егер қызба немесе жалпы әлсіздік сезімі сияқты белгілер пайда болса, дереу дәрігермен кеңесу керек. Дәрігер аурудың белгілері мен эпидемиологиялық анамнезді ескере отырып, COVID-19 бар-жоғына зертханалық зерттеу тағайындайды», – деп толықтырды Ф. Ағыбаева.

Сөзін қорытындылай келіп Ф. Ағыбаева қорғаныс шаралары барлық респираторлық инфекцияларға, оның ішінде коронавирусқа да ортақ екенін атап өтті. Маскаларды қолдану және гигиенаны сақтау қажет, ал эпидемиологиялық көтерілу кезінде адамдар көп жиналатын жерлерден аулақ болу керек.

«Ең бастысы, коронавирустық инфекция мен тұмауға қарсы еке алу қажет. Вакцина ауыр ағымның және екі аурудың қаупін азайтуға көмектеседі. Екпе алған соң өзіңді де, жақындарыңды  да қорғай аласың әрі үлкен жауапкершілік танытасың», – деді емхананың бас дәрігері.