Қарағанды облысында коронавирустан тағы бір науқас көз жұмды

Қарағанды облысында коронавирус індетінен тағы бір науқас көз жұмды, деп хабарлайды Almaty.tv тілшісі.

Сoronavirus2020.kz мәліметіне сенсек, марқұм 1958 жылы дүниеге келген.

Шахтинск қаласының тұрғыны 5 сәуір күні пневмония диагнозымен провизорлық госпитальге түскен.

«14 сәуірде ҰМКО шешімі бойынша расталған СОVID-19 диагнозымен Нұр-Сұлтан қаласына ауыстырылды. Екіжақты пневмония ауыр өткен. Науқас 19 тәулік бойы ем алған. Алайда, дәрігерлердің күш салуына қарамастан, 3 мамырда қайтыс болды», - делінген хабарламада.

Қазіргі уақытта елімізде коронавирус инфекциясынан барлығы 26 адам қайтыс болды:

Нұр-Сұлтан қаласы – 3

Алматы қаласы – 8

Шымкент қаласы – 4

Ақмола облысы – 4

Шығыс Қазақстан облысы – 1

Қарағанды облысы – 2

Қостанай облысы – 1

Маңғыстау облысы – 1

Павлодар облысы – 1

Түркістан облысы – 1 адам.

Айта кетсек, республика бойынша қауіпті індет жұқтырғандар саны 3877 адамға жетті. Жазылып шыққандар саны – 995 адам.