Мысырдан оралған Шахтинск тұрғындары карантиннен бас тартты

Мысырдан оралған Шахинск тұрғындары полиция мен дәрігерлерді үйіне кіргізуден бас тартты. Құқық қорғаушылар олардың пәтеріне құтқарушыларды шақыруға мәжбүр болды, деп хабарлайды stan.kz Қарағанды облысы ТЖД баспасөз қызметіне сілтеме жасап.

Оқиға 25 наурызда Шахтинск қаласында болған.

«Мысырдан келген адамдар қажетті медициналық тексеруден өткізу үшін келген полиция мен медицина қызметкерлеріне есікті ашпады. Өрт сөндірушілер-құтқарушылар төртінші қабатта орналасқан пәтердің балконына баспалдақ орнатты. Осыдан кейін үй иелері есікті өз еркімен ашты», - деді Төтенше жағдай департаментінен.

Азаматтар сапардан кейін карантиндік оқшаулауды қаламай, үйде болуды жөн көрген.

Қарағанды қалалық полиция бөлімі ауруханаға жатқызудан бас тарту себебінен бұл жерге полиция жасағы мен учаскелік полиция қызметкері шақырылғанын атап өтті. Төтенше жағдай кезіндегі заң бұзушылықтар туралы заңнаманы түсіндіргеннен кейін отбасылар Қарағандыда өз еркімен карантинге баруға келісті.