Алматыда демалыс күндері сауда орталықтары жұмыс істемейді

Алматыда демалыс күндері сауда орталықтары жабылады. Бұл туралы қаланың бас санитар дәрігері Жандарбек Бекшиннің 10 наурыздағы қаулысында айтылған, деп хабарлайды Almaty.tv тілшісі Tengrinews.kz-ке сілтеме жасап.

Құжатта сенбі және жексенбі күні сауда және ойын-сауық орталықтары, спорт кешендері, фитнес-орталықтар, жабық азық-түлік және азық-түлік емес базарлар қызметіне тыйым салынғаны айтылған. Ашық базарлардың сенбі күні жұмыс істеуіне рұқсат етіледі.

Бұған дейін демалыс күндері Алматыда автобус қозғалысы мен метро қызметі тоқтайтыны туралы хабарланған еді. Сондай-ақ, 13 наурызға жоспарланған адвокаттар митингіне тыйым салынды.

Жаңа қаулы Алматы "сары" аймақтан "қызыл" аймаққа ауысқаннан кейін жарияланды.