Франция Бразилиямен арадағы әуе қатынастарын тоқтатты

Франция Бразилиямен арадағы әуе қатынастарын тоқтатты.  Оған себеп, Covid-19-дың бразилиялық штамының таралуын азайту, деп хабарлайды Almaty.tv.

Сарапшылардың пікірінше, бразилиялық нұсқа аса жұқпалы болып келеді және наурыз айындағы өлім-жітімнің көбеюіне себеп болған. Пандемия басталғалы бері 5 миллионнан аса коронавирустық жағдай тіркелген. Бұл – Еуропадағы ең жоғары көрсеткіш. Ал Еуропаның келесі бір мемлекеті Дания АстарЗенека вакцинасын қолдануды толығымен тоқтатты. Мұндай қадамға барған бұл алғашқы ел. Ондағы зерттеулердің нәтижесі вакцинациядан кейін қан ұюдың жоғары жиілігін көрсеткен.