Ақмола облысы «қызыл аймақ» тізіміне қайта қосылды

Эпидемиологиялық ахуалды бағалау матрицасына сәйкес, Қазақстанда қазіргі таңда екі облыс «қызыл» аймақта тұр, деп хабарлайды Almaty.kz тілшісі ҚазАқпарат сілтеме жасап.

ҚР Денсаулық сақтау министрлігі Қоғамдық денсаулық сақтау ұлттық орталығының мәліметіне сәйкес, 31 желтоқсанда екі облыс, атап айтқанда, Атырау мен Ақмола облысы «қызыл» аймақта. Кешегі матрица бойынша «қызыл» аймақта тек Атырау облысы болған еді. Ал «сары» аймақта Қостанай, Солтүстік Қазақстан, Павлодар, Батыс Қазақстан облыстары және Нұр-Сұлтан, Алматы қаласы тұр. Бүгін «қызыл» аймаққа Ақмола облысы да кірді. Қалған облыстардың бәрі де «жасыл» аймақта орналасқан.